2003-cü ildən 2021-ci il yanvarın 1-dək Azərbaycan Dövlət Neft Fondundan dövlət büdcəsinə ümumi həcmi 112 milyard 140,3 milyon manat olan vəsait köçürülüb
Bu barədə Fondun ictimaiyyət üçün açıqlamasında məlumat verilib.
“2020-ci ildə isə Neft Fondundan dövlət büdcəsinə köçürmələrin həcmi 12 milyard 200 milyon manat təşkil edib”, – deyə məlumatda bildirilir.
Ötən il dövlət büdcəsinə köçürmələr Neft Fondunun ümumi xərcləmələrinin 98,2 faizini təşkil edib.
Fondun köçürmələri dövlət büdcəsinin gəlir hissəsinin 48%-ni təşkil edub.
Qeyd edək ki, Neft Fondu 2003-cü ildən dövlət büdcəsinə köçürmələr həyata keçirməyə başlayıb.
Neft Fondunda Azərbaycan Dövlət Neft Şirkətinin xarici tərəfdaşları ilə neft və qaz yataqlarının birgə işlənməsi nəticəsində dövlətin payına düşən mənfəət, neftin nəqlinə görə tranzit haqları və Fonddakı vəsaitlərin idarə edilməsindən əldə edilən gəlirlər toplanır.
1 yanvar 2021-ci il tarixinə Azərbaycanın Neft Fondunun aktivləri 43 milyard 564 milyon dollar təşkil edib.
Caspian Barrel
