SOCAR ötən il 155 milyon ABŞ dolları həcmində qeyri-neft məhsulu ixrac edib.
AZƏRTAC xəbər verir ki, bu barədə İqtisadi İslahatların Təhlili və Kommunikasiya Mərkəzinin (İİTKM) “İxrac İcmalı”nın ötən ilin yekunlarını əks etdirən 2018-ci il yanvar buraxılışında bildirilir.
Hesabata əsasən, SOCAR-ın Marketinq və İqtisadi Əməliyyatlar İdarəsi 2017-ci ildə 155 milyon ABŞ dolları həcmində məhsul ixrac edib. Bu göstəricisi ilə idarə qeyri-neft sektoru üzrə ixrac əməliyyatlarında iştirak edən dövlətə məxsus 10 şirkətin siyahısında ilk sırada yer alıb.
Beləliklə də 2017-ci il ərzində Azərbaycanın qeyri-neft ixracının 10 faizdən çoxu SOCAR-ın Marketinq və İqtisadi Əməliyyatlar İdarəsinin payına düşüb.
