Britaniyanın neft-qaz nəhəngi BP Plc şirkətinin 2015-ci ildə xalis zərəri bir il əvvəlki $3,78 milyard gəlirə qarşı $6,482 milyard təşkil edib. Bu barədə şirkətin hesabatında bildirilir.
Şirkətin bir adi səhmə düşən zərəri bir il əvvəlki 20,42 sent gəlirə qarşı 35.39 sent zərər təşkil edib.
IV rübdə şirkətin xalis zərəri $3,3 milyard olub. Şirkətin gəliri 33% azalaraq $49,23 milyard təşkil edib. 31 dekabr tarixinə şirkətin xalis borcu 27,2 milyard dollara qədər artıb.
IV rübdə şirkət gündə 3,397 milyon barel neft ekvivalenti hasil edib ki, bu da keçən ilin analoji dövrü ilə müqayisədə 5.6% çoxdur. 2015-ci ilin nəticələrinə görə,şirkət hasilatı 4% artıraraq gündə 3,151 milyon barel neft ekvivalenti hasil edib.
*BP – 1909-cu ildə təsis edilib və dünyanın 6 ən böyük neft şirkəti sırasına daxildir.
