Bolqarıstanın energetika naziri Temenujka Petkova bildirib ki, Bolqarıstan və Yunanıstan gələn ay sistemlərarası qaz kəmərinin inşası barədə investisiya qərarı imzalayacaq.
Plana əsasən, Yunanıstan-Bolqarıstan qaz kəmərinin tikintisi 2016-cı ilin martında başlanacaq və 2018-ci ildə istismara veriləcək. 2019-cu ildən başlayaraq Bolqarıstan bu kəmər ilə Azərbaycandan 1 milyard kub metr qaz almağı planlaşdırır.
Komotini – Haskova – Stara Zagora qaz boru kəmərinin uzunluğu 182 km təşkil edəcək və 150 km Bolqarıstan ərazisi ilə keçəcək. Dəyəri 210 milyon avro olan qaz kəməri ildə 3-5 milyard kub metr qazın nəqli nəzərdə tutulur.
