Norveçin işgüzar “Dagens Nerinsliv” nəşri yazır ki, son 12 ayda Norveç gəliri daha çox qaz ixracından əldə edib, nəinki neftdən.
Qəzetin yazdığına görə, 2014-cü ilin avqustundan 2015-ci ilin avqustuna qədər olan müddətdə Norveç şirkətlərinin xaricə qaz satışından əldə etdiyi gəlirlər 232 milyard kron ($28,5 milyard) təşkil etdiyi halda, neft ixracından 216 milyard kron ($26,6 milyard) gəlir əldə edilib.
Nordea Markets beynəlxalq konsaltinq şirkətinin analitika şöbəsinin müdiri Tina Saltvedt bunu əsasən dünya bazarlarında neftin qiymətinin düşməsi izah edib.
Rystad Energy AS şirkətinin rəhbəri Yarann Rüstad isə hesab edir ki, Norveçin ixracatında qaz 2015-2016-cı illərdə üstünlük təşkil edəcək, ancaq 2017-ci ildən neft yenidən əsas ixrac mənbəyi olacaq.
Norveç qazının ən böyük alıcıları Böyük Britaniya, Niderland və Almaniyadır.
