SOCAR martda avrobondların buraxılışını planlaşdırır. Reuters xəbər verir ki, bu barədə jurnalistlərə Rövnəq Abdullayev bildirib.
“Biz mart sonuna qədər avrobondların buraxılmasını planlaşdırırıq”, – deyə o bildirib və əlavə edib ki, bu neft qiymətlərinin azalması ilə bağlı deyil.
SOCAR-ın üçüncü avrobondlarının buraxılması “Deutsche Bank” və “JP Morgan” tərəfindən təşkil olunacaq. Ancaq buraxılışın həcmi məlum deyil.
Əvvələr məlumat verildiyi ki, martda road-show başlayacaq, yəni investorlarla danışıqlar aparılacaq.
SOCAR artıq iki istiqrazın buraxılışını həyata keçirib. İlk buraxılış 500 milyon dollar həcmində 5,45 faiz gəlir ilə 2012-ci ildə həyata keçrilmişdi. İkinci buraxılış isə 2013-cü ilin martında CEEMEA bazarında 1 milyard dollar həcmində 10 il müddətinə (4.75% gəlir dərəcəsi) buraxılmışdı. İkinci buraxılışda tələb emissiyasının məbləğindən iki dəfə çox olmuşdu.
