“SOCAR Power Enerji Yatirimlari” (“SOCAR Turkey Enerji”nin törəmə strukturu – İF-Az) Türkiyədə “Petkim” Neft-Kimya Kompleksinin ərazisində kogenerasiya bölməsi tikəcək. Bu barədə SOCAR-ın (Azərbaycan Dövlət Neft Şirkəti) rəsmi saytında məlumat verilir.
Hazırda “Petkim”in elektrik və buxar ehtiyacı təbii qaz vasitəsi ilə ödənilir.
“Lakin “SOCAR Power” elektrik və buxar ehtiyacının təbii qazdan daha ucuz olan idxal kömürü vasitəsi ilə ödənilməsi üçün “Petkim”in istehsalat sahəsində kogenerasiya bölməsinin (“Petkojen”) tikintisini planlaşdırır”, – deyə məlumatda qeyd edilir.
Layihənin Ətraf Mühitə Təsirin Qiymətləndirilməsi hissəsi artıq başa çatıb, elektrik enerjisi istehsalı üzrə lisenziya prosesi isə davam edir.
Xəbər verildiyi kimi, SOCAR “Petkim Petrokimya Holding”in səhm nəzarət paketinə (61,32%) sahibdir.
