Azərbaycan Dövlət Neft Şirkəti (SOCAR) Finlandiyanın “Neste Jacobs” şirkəti ilə Sumqayıt karbamid zavodunun inşası çərçivəsində layihənin idarə edilməsi üzrə məsləhət və təftiş xidmətlərinin keçrilməsi üzrə saziş imzalayıb.
Satınalmalar üzrə Dövlət Agentliyinin məlumatına görə, şirkət tender yolu ilə seçilib. Şirkət öz xidmətini 14 mln 419 min 552 manat qiymətləndirib.
SOCAR-ın karbamid zavodu 2011-ci ilin dekabrından tikilir. Baş podratçı 2013-cü ildən “Samsung Engineering Co., Ltd”dir (Cənubi Koreya). Tikinti layihəsi $500 mln qiymətləndirilir və dövlət büdcəsindən maliyyələşdirilir.
Danimarka və Niderland şirkətlərinin hazırladığı layihəyə əsasən, müəssisənin gücü sutkada 1200 ton ammonyak və 2000 ton karbamid olacaq. Zavod 2016-cı ilin sonunda istismara veriləcək.
