SOCAR (Azərbaycan Dövlət Neft Şirkəti) 2014-cü ildə Ceyhan neft terminalından 20 mln. 483,248 min ton Azərbaycan nefti nəql edib, bu isə 2013-cü ilin göstəricisindən 3,7% çoxdur. Bu barədə “İnterfaks-Azərbaycan” agentliyinə SOCAR-ın mətbuat xidmətindən məlumat verilib.
2014-cü ilin dekabr ayında şirkət Ceyhan terminalından 2 mln. 194,3 min ton neft nəql edib.
BTC neft kəmərinin uzunluğu 1768 km-dir. Bunun 443 km-i Azərbaycan, 249 km-i Gürcüstan, 1076 km-i Türkiyə ərazisindədir. Boru kəmərinin ötürmə qabiliyyəti ildə 60 mln. tondur.
Layihənin iştirakçıları BP (30.1%); SOCAR (25.00%); “Chevron” (8.90%); “Statoil” (8.71%); TPAO (6.53%); ENI (5.00%); “Itochu” (3.40%); “ConocoPhillips” (2.50%); INPEX (2.50%); “Total” (5.00%) və “ONGC” (2.36%) şirkətləridir.
