Xəbər verdiyimiz kimi, dünən BP və Azərbaycan Respublikası Dövlət Neft Şirkəti (SOCAR) dünən axşam Xəzər dənizinin Azərbaycan sektorunda Abşeron yarımadasının ətrafındakı dayazsulu sahədə yerləşən potensial perspektiv strukturlarda birgə geoloji kəşfiyyat işlərinin aparılması və işlənməsi haqqında Hasilatın Pay Bölgüsü sazişi (HPBS) imzalayıb.
Ancaq mətbuat üçün şirkətlərin açıqladığı birgə press-relizdə bu Sazişdə pay bölgüsünə dair heç bir məlumat yox di.
Caspian Barrel-in eksklüziv olaraq SOCAR-ın Sərmayələr İdarəsindən əldə etdiyi məlumata görə, sazişdə SOCAR və BP eyni payla təmsil olunublar – hərəyə 50%.
Qeyd edək ki, bu, hazırda BP-nin Xəzərdə kəşfiyyatla bağlı ikinci HPB layihəsidir. Bundan əvvəl “Şəfəq” və “Asiman” strukturları ilə bağlı saziş imzalanmışdı.
