Azərbaycan 2014-cü ilin yanvar- oktyabr aylarında 6 mlrd. 945 mln. 274,6 min kubmetr qaz ixrac edib ki, bu da ötən ilin müvafiq dövrünün göstəricisindən 21,1% çoxdur. Bu barədə “İnterfaks-Azərbaycan” agentrliyinə Dövlət Gömrük Komitəsindən məlumat verilib.
Hesabat dövründə sadələşdirilmiş gömrük bəyannamələri üzrə $257 mln. 63,68 min məbləğində rəsmiləşdirilmiş qaz ixracı 1 mlrd. 530 mln. 877,86 min kubmetr təşkil edib.
Xəbər verildiyi kimi, hazırda Azərbaycan Dövlət Neft Şirkəti (SOCAR) tərəfindən qaz Rusiya, İran və Gürcüstana, eləcə də “Şahdəniz” konsorsiumu tərəfindən Bakı-Tiflis-Ərzurum qaz kəməri ilə Gürcüstana və Türkiyəyə ixrac edilir.
