Cari ilin sentyabr ayının nəticələrinə görə, Azərbaycan öz neftini Ceyhan terminalından hər barelini orta hesabla $98,29 –dan satıb.
SOCAR-ın marketinq və iqtisadi əməliyyatlar idarəsindən Caspian Barrel-ə verilən məlumata görə, sentyabrda SOCAR Ceyhan limanından dünya bazarına 1 milyon 725 min 423 ton neft (12,7 milyon barel) göndərib.
Qeyd edək ki, avqustda Azərbaycan Ceyhan terminalından 1 milyon 942 min 635 ton (14,3 milyon barel) nefti $103,08 –dan satıb.
Bir ay ərzində Ceyhan bazarından dünya bazarına çıxarılan SOCAR-ın neft həcmləri 1,4 milyon barel, eyni zamanda qara qızılın qiyməti $4,79 azalib.
