Neft-Qaz bazarındakı mənbələrdən daxil olan məlumata görə, Xəzər dənizinin Azərbaycan sektorunda “Şahdəniz” qaz-kondensat yatağının işlənməsinin ikinci mərhələsi çərçivəsində SDC04 quyusunun qazılaması başa çatır.
Mənbənin sözlərinə görə, hazırda quyunun dərinliyi təxminən 6500 metrdir və qazma prosesi başa çatmaq üzrədir. Quyunun layihə dərinliyi 6500 metr-dən biraz yüksəkdir. Quyu “İstiqlal” qurğusu ilə qazılır.
Həmçinin,mənbənin sözlərinə görə, “Şahdəniz-2” layihəsi çərçivəsində bu yaxınlarda layihə dərinliyi 6500 metr olan başqa bir SDD-03 quyusu qazılmağa başlayıb.
“Qazma “Heydər Əliyev” adına qazma qurğusu ilə bu yaxınlarda başlanılıb. Buna qədər isə (avqust qədər) SDD-02 quyusunu qazılmasını başa çatdırıb. SDD-03 quyusunun tamamlanmasını isə gələn ilin aprel-mayına gözlənilir”, – deyə mənbə bildirib.
Mənbənin sözlərinə görə, ”Şahdəniz-2” layihəsində qabaqlayıcı qazma layihəsi çərçivəsində artıq 6 quyu qazılıb.
