Azərbaycan hökuməti gələn il üçün büdcə layihəsinin hazırlanmasında neft qiymətləri proqnozlarını azaldıb. Hesablamalar 2014-cü ilin $100-na qarşı orta baza qiyməti neftin bir bareli üçün $90 hesablanıb. Bu barədə Caspian Barrel Maliyyə Nazirliyinin rəsmi saytında yerləşdirilən 2015-ci ilin dövlət və icmal büdcələrinin layihələrinə istinadən xəbər verir.
Layihəyə əsasən, dövlət büdcəsinin gəlirləri 2015-ci ildə 19 milyard 438 milyon manat (2014-cü göstərici ilə müqayisədə 5.7% artım), xərcləri isə 21 milyard 100 milyon manat (artım 5.2%) səviyyəsində proqnozlaşdırılır.
Neft sektorunun ÜDM-də payı 2014-cü ildə 2.2% azalacaq. 2015-ci ildə neft sektorunun ÜDM-də payı bu ilki 40.4% qarşı 34.9% proqnozlaşdırılır.
Gələn il neft sektorunun payının ümumi büdcə daxilolmalarında 65.3% qədər azalması gözlənilir.
Məlumatda deyilir ki, cari ildə Azərbaycan neftinin ən yüksək qiyməti iyun ayında qeydə alınıb (bir barel üçün $113,2). Sentyabrda isə qiymətlər $98,3-a qədər azalıb. Sentyabr ayının qiymət səviyyəsi 2014-cü ildə ən aşağı olub.
2014-cü ilin 9 ayında Azərbaycan neftinin orta ixrac qiyməyi bir barel üçün $108,2 təşkil edib ki, bu da keçən ilki göstəricidən $2,9 azdır.
Maliyyə Nazirliyinin hesablamalarına görə, 2015-ci ildə qiymət proqnozunun 90 dollardan həyata keçriləcəyi təqdirdə neft-qaz ixracı $24,1 milyard, neft ÜDM-i isə 20.3 milyard manat ($25,88 milyard) təşkil edəcək.
