SOCAR Azərbaycanın neft və qaz hasilatı proqnozlarına aydınlıq gətirib

Proqnozlara görə,2014-cü ildə Azərbaycanda 41.2 milyon ton neft və 28.8 milyard kub metr qaz hasil ediləcək. Bu barədə SOCAR prezidenti Rövnəq Abdullayev “Yeni Azərbaycan” partiyasının saytına müsahibəsində bildirib.
SOCAR-ın məlumatına görə, 2013-cü ildə Azərbaycanda 43.48 milyon ton neft və 29.46 milyard kub metr qaz hasil edilib.
Abdullayevin sözlərinə görə, 2014-cü ilin yanvar-avqustunda ölkədə 28.6 milyon ton neft və 20.4 milyard kub metr qaz hasil edilib. 8 ay ərzində SOCAR-ın payına ümumi hasilatdan 5.6 milyon ton neft və 5 milyard kub metr qaz düşüb.