Ettinger və Prodan Bakıda qaz barədə üçtərəfli danışıqların aparılmasını müzakirə edəcəklər

Sentyabrın 8-də Bakıda Avropa Komissiyasının sədr müavini Günter Ettinger və Ukraynanın energetika naziri Yuri Prodan arasında qaz təchizatı problemi üzrə Avropa İttifaqı-Ukrayna ikitərəfli danışıqları keçiriləcək. Bu barədə Avropa Komissiyasının rəsmi nümayəndəsi Marlene Holtsner cümə günü Brüsseldə keçirilən brifinqdə məlumat verib.
“Bundan sonra biz üçtərəfli görüşün keçirilməsinin mümkün olub-olmaması imkanlarına baxacağıq. Komissar Ettinger bildirib ki, bu, sentyabrın ortalarında mümkün ola bilər”,- deyə M.Holstsner əlavə edib.
O qeyd edib ki, hələ ki, Aİ bu görüşün keçirilməsi üçün vaxt və yer təklif etməyib.
Mətbuat katibi deyib ki, əvvəllər bu görüşün sentyabrın 6-da keçiriləcəyi ehtimal olunurdu, lakin bu informasiya öz təsdiqini tapmadı.