Bu günədək Azərbaycanda alternativ və bərpa olunan enerji mənbələrinin inkişafına dövlət vəsaitlərindən 120 milyon manatdan çox sərmayə yatırılıb. Bu barədə çərşənbə axşamı jurnalistlərə Caspian European Club-ın (CEIBC) təşkil etdiyi növbəti biznes forum çərçivəsində Alternativ və Bərpa Olunan Enerji Mənbələri üzrə Dövlət Agentliyinin rəhbəri Akim Bədəlov bildirib.
Onun sözlərinə görə, ölkədə Azərbaycan üçün bu yeni istiqamətin inkişafı məqsədilə əlverişli şərait yaradılıb.
A.Bədəlov əlavə edib ki, bu sahədə çalışan şirkətlər gömrük vergisi və rüsumlarından azad olunublar.
Hal-hazırda Azərbaycanda alterntiv enerjinin payı heç bir faizə çatmır və əsasən kiçik su elektrik stansiyaların payına düşür. Avropa ölkələrində və digər inkişaf etmiş ölkələrdə alternativ enerji mənbələrinin payını ümumi elektrik enerjisi istehsalında 10-15%-ə çatdırmağa planlaşdırılır.
İlkin araşdırmaralara görə, Azərbaycanda beş il ərzində alternativ enerji istehsalı üçün 100 obyekt inşa ediləcək.
