Azərbaycan Rusiyaya qaz tədarükünü yenidən dayandırıb. Bu barədə “İnterfaks” agentliyinə Azərbaycan Dövlət Neft Şirkətindən məlumat verilib. Tədarük təmir işləri ilə əlaqədar dayandırılıb.
Şirkətdə fasilənin nə vaxtdan başladığını və nə qədər davam edəcəyini dəqiqləşdirməyiblər. Bu, bir il ərzində Azərbaycandan Rusiyaya qaz tədarükünün dayandırılması ilə bağlı artıq ikinci haldır – avtomobil yolunun təmiri ilə əlaqədar cari ilin əvvəlindən iyun ayının əvvəlinədək qaz tədarük edilməyib.
Qaz ixracının dayandırılmasından əvvəl sutkalıq plan 2 mln. kubmetr təşkil edirdi.
CaspianBarrel-inməlumatına görə, cari ilin yekunlarına görə, son 3 ildə ilk dəfə olaraq Azərbaycanın Rusiyaya qaz ixracının həcmləri 1 milyard kubmetrdən aşağı səviyyəyə düşəcək. Belə ki, 2013-cü ilin yekunlarına görə, Azərbaycan Rusiyaya 1,37 mlrd kub metr qaz ixrac etmişdi. 2012-də bu həcmlər 1,75 mlrd olmuşdu, 2011-də isə bu həcmlər 1,5 mlrd təşkil etmişdi. Azərbaycan Rusiyaya qaz ixracına başlayan il – 2010-cu ildə isə ixrac həcmləri 799,7 mln kub metr olmuşdu.
