Avqustun 19-da, saat 11:00 radələrində Azərbaycan Respublikası Dövlət Neft Şirkətinin (SOCAR) Neft Kəmərləri İdarəsinin “Dübəndi” Neftaşırma sahəsində bədbəxt hadisə baş verib.
SOCAR-dan verilən məlumata görə, 13B neft çənləri parkında podrat müqaviləsi əsasında işləyən “İlqar-NNT” MMC-nin əməkdaşı Həsənov Fərid Eldar oğlu iş başında həlak olub.
Hadisənin baş verməsinə gəlincə isə, şirkətdən bildiriblər ki, Həsənov RVS-5000 tipli 5 nömrəli çənin içərisində qum şırnağı ilə təmizləmə işləri aparan zaman ayaqaltı aşmış və o, aldığı xəsarətdən hadisə yerində dünyasını dəyişmişdir.
Hazırda hadisə ilə bağlı yaradılmış komissiya tərəfindən araşdırma aparılır. Araşdırmanın nəticəsi haqqında əlavə məlumat veriləcəkdir.
