SOCAR xaricdə təhsil alan azərbaycanlı tələbələrin beynəlxalq neft şirkətlərində təcrübə keçməsinə dəstək verir.
Avqustun 11-də Turkiyədə təhsil alan azərbaycanlı tələbələr Fuad Rəhimov və Sabina Abdurahim BP şirkətinin Sanberi ofisində iş təcrübəsinə başlamışlar.
Proqram Türkiyədə fəaliyyət göstərən AzeDer Azərbaycan təhsil, mədəniyyət və yardımlaşma dərnəyi və SOCAR-ın Böyük Britaniyadakı nümayəndəliyi tərəfindən təşkil olunmuşdur.
SOCAR-ın yayadığı məlumatda bildirilir ki, dünən BP şirkətinin Sanberi ofisində bu məqsədlə görüş keçirilmişdir. Görüşdə BP-nin quyuların layihələndirilməsi və inşası üzrə meneceri Greg Rheaume, insan resursları üzrə məsləhətçisi Rahul Williams, SOCAR-ın Böyük Britaniyadakı numayəndəliyinin rəhbəri Rufət Əfəndiyev və təcrübəçi tələbələr iştirak etmişlər.
Bildirilmişdir ki, tələbələr “Şahdəniz-2” layihəsi çərçivəsində işləyəcək, BP-nin ən qabaqcıl texnika və texnologiyaları ilə tanış olacaqlar. Təcrübə sentyabrın 15-ə qədər davam edəcək.
