“The Business Year” jurnalına müsahibəsində Azərbaycanın energetika naziri Natiq Əliyev bildirib ki, ümumilikdə qaz nəqli infrastrukturnun qiyməti $19,5 milyarddır.
Nazir qeyd edib ki, Sənqəçal terminalının və Cənubi Qafqaz boru kəmərinin genişləndirilməsi – $6,5 milyard, Trans-Anadaolu qaz kəmərinin (TANAP) inşası isə təxminən $13 milyard təşkil edəcək.
Qeyd edək ki, ”Şahdəniz-2” layihəsi çərçivəsində Azərbaycan ərazisində 385 km-lik boru xəttinin inşası,Gürcüstan ərazisində boru kəmərinin genişləndirilməsi və yeni kompressor stansiyasının tikintisi (layihə dəyəri 1.5-2 milyard dollar) planlaşdırılır. Türkiyə ərazisində isə gücü ildə 16-31 milyard kub metr olan 1780 km uzunluğunda olacaq boru kəməri inşa ediləcək.
Boru kəmərlərinin tikintisi 2015-ci ildə başlanacaq.
