SOCAR Kiyevdə və Odessada yaxt, kater və qayıqlara yanacaq doldurulması mövsümünə başlayıb.
SOCAR-ın mətbuat xidmətinin yayadığı məlumata görə, Şirkət Dnepr çayındakı Kiyev yanacaqdoldurma məntəqəsinin (YDM) yerini dəyişərək, onu müştərilərə daha da yaxınlaşdırıb.
Əvvəllər “Kiyev gəmi təmiri zavodu”nun akvatoriyasında yerləşən bu YDM indi “Primatel” MMC yaxt-klubunun ərazisində müştərilərinə xidmət edir.
Odessadakı üzən YDM isə əvvəlki kimi “Sovinyon” yaxt-klubunun ərazisində fəaliyyət göstərir. YDM-lərdə yaxt, qayıq, kater və hidrosiklləri tez və təhlükəsiz şəkildə yanacaqla təmin etmək üçün hər cür şərait var.
Bu yanacaqdoldurma məntəqələrində eyni zamanda iki gəmiyə xidmət göstərmək mümkündür. Onlardan birinə “Nano” TM dizel yanacağı, digərinə “Nano” TM A-95 benzini doldurmaq olar. Ödəniş nağd, yaxud bank və ya yanacaq kartları ilə həyata keçirilir. Üzən YDM-lərdə mütləq qaydada ekoloji aptek mövcuddur.
