Bu gün səhər Azərbaycan Xəzər Dəniz Gəmişiliyi QSC-nin Bibiheyətdəki Gəmi Təmiri İstehsalat Birliyinin ərazisindəki “Xəzər” MMC-də faciə baş verib.
“General Əlağa Şıxlınski” kran gəmisinin təmiri zamanı “Xəzər” MMC-nin fəhləsi – 1986-cı il təvəllüdlü Mirbağır Mirnağı oğlu Zeynalov ehtiyatsızlıqdan dənizə düşərək boğulub.
Bir sıra KİV-lər qeyri-rəsmi məlumatlara əsaslanaraq “Xəzər” MMC-nin təsisçiləri arasında SOCAR prezidenti Rövnəq Abdullayev və QSC sədrinin keçmiş müavini Mübariz Mədətovu qeyd ediblər.
Ancaq Caspian Barrel-ə SOCAR mətbuat xidmətnin rəhbəri Nizaməddin Quliyev dəqiqləşdirmə apardıqdan sonra bildirib ki, SOCAR prezidenti Rövnəq Abdullayevin “Xəzər” MMC-nin təsisçiliyinə heç bir aidiyyatı yoxdur.
