Reuters agentliyi xəbər verir ki, Almaniyanın RWE şirkəti Polşa vasitəsilə Ukraynaya qaz tədarükünə başlayıb.
2017-ci ilə qədər qüvvədə olan çərçivə sazişinə əsasən, RWE ildə 10 milyard kub metrə qədər qaz tədarük edə bilər.
“Ukrtransqaz” və Polşanın “Gaz-System SA” şirkətləri Polşa ərazisində olan “Qermanoviçi” stansiyası ilə Ukraynaya tədarük edilən qazın gündəlik həcminin qeydiyyatı əməliyyatını sadələşdirmək sazişini imzalayıblar.
Hazırda “Qermanoviçi” stansiyasının Ukrayna istiqmətində ötürmə qabiliyyəti ildə 1,5 milyard kubmetr həcmində qiymətləndirilir.
Qazın revers (əks) tədarükü barədə saziş “Naftoqaz Ukrayna” ilə RWE arasında 2012-ci ilin mayında imzalanıb. 2013-cü ildə bəzi Avropa ölkələrindən Ukraynaya revers rejimində 2 milyard kub metr qaz tədarük edilib. 2013-cü ilin dekabrında “Qazprom” Ukraynaya verilən qazın qiymətlərini aşağı saldıqdan sonra RWE-dən qaz alınmasına son qoyulmuşdu.
2014-cü ilin 11 aprelində Ukraynanın enegetika naziri Yuri Prodan bildirib ki, RWE yenidən Ukraynaya qaz tədarük edəcək. Əvvələr RWE şirkətinin nümayəndəsi Maykl Merfi bildirmişdi ki, əgər “Naftoqaz Ukrayna” ilə razılaşma əldə edilsə, şirkət Ukraynaya qaz tədarük etməyə hazırdır.
