Ağ Evin müşaviri, ABŞ-ın Avropa Birliyində səfiri və Avrasiyada energetika məsələri üzrə xüsusi elçi işləmiş Boyden Qrey “The Washington Times” qəzetində yazıb ki, beynəlxalq enerji siyasəti soyuq müharibədə SSRİ üzərində qələbəyə səbəb oldu.
ABŞ prezidenti Ronald Reyqan Səudiyyə Ərəbistanını silah və hərbi təhlükəsizlik vədi əvəzində bazarı ucuz neftlə doldurmağa razı sala bildi. Bu isə öz növbəsində SSRİ-nin xammal iqtisadiyyatını çökdürdü. “Eyni beynəlxal enerji siyasəti modeli ikinci soyiq müharibənin qarşısını ala bilər”, – yazan müəllif bildirib ki, Rusiya neftdən daha çox aslıdır nəinki qazdan.
Yalnız ABŞ-ın qaz ixracı üzrə məhdudiyyətinin aradan qaldırılması Avropanın Rusiya qarşısında enerji təhlükəsizliyini təmin etmək üçün kifayət deyil, – deyə Qrey davam edib.
Qreyin fikrincə, Amerika qazının ixracı, Xəzər dənizindən Avropaya qaz nəql edəcək “Cənub dəhlizinin” inkişaf etdirliməsi, Qazproma hüquqi təzyiq və Avropa Birliyi ölkələrində şist qazın hasilatı – Avropanı Rusiyanın qeyri-sağlam enerji asıllığından qurtaracaq və Vladimir Putinin aqressiv davranışına qarşı Qərbin təsir vasitələrini artıracaq.
