SOCAR (Azərbaycan Dövlət Neft Şirkəti) 2014-cü ilin yanvar ayında Bakı-Supsa neft kəməri ilə 322,996 min ton Azərbaycan nefti ixrac edib ki, bu da 2013-cü ilin analoji dövrünün göstəricisindən 33,3% çoxdur. Bu barədə “İnterfaks-Azərbaycan” agentliyinə SOCAR-dan məlumat verilib.
2013-cü ildə Bakı-Supsa neft kəməri ilə SOCAR-ın 2 mln. 725,95 min ton nefti nəql olunub.
Bakı-Supsa neft kəməri 1999-cu il aprelin 17-də istismara verilib. Kəmərin uzunluğu 837 km, diametri 530 mm-dir. İllik ötürmə qabiliyyəti hazırda 5 mln. tondan bir qədər artıq neft olan boru kəməri “Azəri-Çıraq-Günəşli” yataqlarının işlənməsi haqqında müqavilə çərçivəsində inşa edilib.
