Gürcüstanda “SOCAR” brendi ilə fəaliyyət göstərəcək sayca 106-cı yanacaqdoldurma, 13-cü qazpaylayıcı stansiya kompleksi istifadəyə verilib.
Kompleks Tbilisinin Saradjişvili prospekti ilə Didi Diqomi yolunun kəsişməsində yerləşir. Burada alıcılara müxtəlif tip yanacaq və təbii qaz təklif olunacaq.
Yanacaqdoldurma kompleksində dünyanın aparıcı brendlərindən sayılan “Galileo’”nun kompressor və qazpaylayıcı kolonkası quraşdırılıb.
Kompleksdə bütün sutka ərzində işləyən kafe-market, habelə avtomobil sahiblərinə müxtəlif əlavə xidmətlər göstərən xüsusi servis-bloklar da yaradılıb. Yeni kompleksdə 23 nəfər işlə təmin olunub.
