SOCAR-ın Təlim, Tədris və Sertifikatlaşdırma İdarəsinin mütəxəssisləri tərəfindən 5-7 fevral tarixlərində SOCAR-ın idarə və təşkilatlarından dəvət olunmuş 27 nəfərdən ibarət qrupa ISO 9001 “Keyfiyyət idarəetmə sistemi” beynəlxalq standartı üzrə kurs təşkil olunmuşdur.
3 günlük kurs müddətində iştirakçılara ISO 9001:2008 keyfiyyət idarəetmə standartının mahiyyəti, üstünlükləri, standartın bütün maddələri və müəssisədə bu standartın tətbiqi nəzəri və praktiki olaraq geniş şəkildə tədris edilmişdir. Dinləyicilərin nəzərinə çatdırılmışdır ki, bu standartın tətbiqinin əhəmiyyəti müəssisələrdə görülən işlərin keyfiyyətinin, eləcə də istehsal göstəricilərinin yüksəldilməsi, istehlakçıların tələbatlarını fasiləsiz təmin etməklə məhsul və xidmətlərin keyfiyyətinin davamlı olaraq artırılması, xərclərin azaldılması, daxili və xarici bazarda müəssisənin rəqabət qabiliyyətliliyinin və gəlirlərinin artırılması, prosedurların düzgün qurulması və s. məsələlərdə üstünlük qazanaraq ciddi iqtisadi səmərə əldə etməkdir.
Beynəlxalq standart kursunda tam iştirak edərək imtahandan müvəffəqiyyətlə keçən dinləyicilərə sertifikatlar təqdim olunacaq. Beynəlxalq kursu bitirən dinləyicilər öz müəssisələrində ISO 9001 “Keyfiyyət idarəetmə sistemi” standartının geniş tətbiq olunmasında fəal iştirak edəcəklər.
