2013-cü ilin nəticələrinə görə “BP-Azerbaijan” şirkəti “Şahdəniz” yatağından 9,8 milyard kubmetr (təqribən 345,5 milyard kubfut) qaz və 2,48 milyon ton (təqribən 19.6 milyon barel) kondensat və ya gündəlik təxminən 26,8 milyon kubmetr (946 milyon standart kubfut) qaz və 53 740 barel kondensat hasil edib.
Qeyd edək ki, 2012-ci ildə “Şahdəniz”də 7,73 milyard kub metr (təqribən 273 milyard kub fut) qaz və 2,0 milyon ton (16,1 milyon barel) kondensat və ya gündəlik 21,1 milyon kub metr (745,4 milyon standart kub fut) qaz və təqribən 44 100 barel kondensat hasil edilmişdi.
Beləliklə, 2013-cü ilin yekun nəticələrinə görə, “Şahdəniz” yatağında təbii qaz hasilatı 2,07 milyard kub metr və ya 26,8% artıb. Kondensat hasilatı isə 480 min ton və ya 24% artıb.
2006-cı ilin sonlarında “Şahdəniz”də hasilat başlanandan 2013-cü ilin sonunadək yataqdan bazarlara təqribən 47,3 milyard kubmetr (1 671 milyard standart kubfut) qaz hasil edilib və təqribən 12,6 milyon ton (99,5 milyon barel) kondensat ixrac edilib.
