2021-ci ildə “Azəriqaz” İB və “Azərenerji” ASC “Azərkontrakt” ASC-nin əsas təbii qaz alıcıları olub.
“İnterfaks-Azərbaycan” “Azərkontrakt”ın 2021-ci il ərzində BMHS üzrə maliyyə hesabatına əsasən məlumat verir ki, “Azəriqaz” İB 590 milyon 46,703 min manat, “Azərenerji” ASC 587 milyon 907,121 min manat məbləğində qaz alıb.
Bundan əlavə, Naxçıvan Qazİstismar Xidməti 22 milyon 89,732 min manat məbləğində qaz alıb.
Ümumilikdə, 2021-ci ildə “Azərkontrakt”ın gəlirləri 1 milyard 200 milyon 43,556 min manat təşkil edib.
“Azərkontrakt” qeyd edir ki, cəmiyyət Tarif Şurasının müəyyən etdiyi topdansatış qiymətlərlə qaz alır. 2021-ci ildə Tarif Şurası topdansatış qaz tədarükü qiymətlərində üç dəfə dəyişiklik edib.
Xüsusilə, 30 iyun 2021-ci il tarixinədək “Azəriqaz” İB və Naxçıvan Qaz İstismar Xidməti üçün topdansatış qiymətlər 1 min kubmetr üçün 75 manat, “Azərenerji” ASC üçün – 120 manat təşkil edib.
1 iyul-31 oktyabr 2021-ci il tarixində “Azəriqaz” İB və Naxçıvan Qaz İstismar Xidməti üçün topdansatış qiymətlər 1 min kubmetr üçün 110 manat, “Azərenerji” ASC üçün – 130 manat təşkil edib.
1 noyabr 2021-ci il tarixindən etibarən növbıti dəfə qiymətlərin artımından sonra “Azəriqaz” İB və Naxçıvan Qaz İstismar Xidməti üçün topdansatış qiymətlər 1 min kubmetr üçün 118 manata, “Azərenerji” ASC üçün – 165 manata çatıb.
Dövlət Kontrakt Korporasiyası “Azərkontrakt” ASC Azərbaycan prezidentinin 17 dekabr 1996-cı il tarixli fərmanı ilə keçmiş Material Ehtiyatları Nazirliyi və Ticarət Nazirliyinin bazasında yaradılıb.
2021-ci ildən “Azərkontrakt” təbii qazın topdan alqı-satqısı üzrə SOCAR-ın əvvəlki funksiyalarından birini yerinə yetirməyə başladı. 2021-ci ildən başlayaraq qaz hasil edən şirkətlər ilə qazpaylayıcı və enerji istehsalçıları arasında vasitəçi rolunda sözügedən şirkət çıxış edir.