logo

Qazaxıstan 2020-ci ilin doqquz ayında 65 milyon tona yaxın neft hasil edib

Views: 103

Bu ilin doqquz ayında Qazaxıstanda 64,7 milyon ton neft hasil edilib. Bu barədə energetika naziri Nurlan Noqayev məlumat verib



“Cari ilin yabvar-sentyabr aylarında “Tengiz” yatağında 20,2 milyon ton neft hasil edilərək plan tapşırıqları 100,5% yerinə yetirildi. Xəzər dənizindəki “Kaşağan” yatağından isə neft hasilatı 11,5 milyon tona çatdı, yəni plan 100% həyata keçirildi. “Karaçaqanak” yatağının göstəriciləri 9 milyon ton təşkil etdi ki, bu da planın 102,2% yerinə yetirilməsi deməkdir”, deyə energetika naziri Qazaxıstan hökümətinin iclasındalı çıxışında vurğulayıb.

Nazirin sözlərinə görə, cari ilin 9 ayında Qazaxıstan 52,2 milyon ton neft ixrac edilb və ixrac planı 100% yerinə yetirilib. 

Nurlan Noqayevin sözlərinə görə, hesabat dövründə ölkədə 41,6 milyard kubmetr qaz hasil edilmişdir ki, bu da plan tapşırıqlarına  99% əməl edilməsi deməkdir.

“Hesabat dövründə təbii qazın daxili bazarda istehlak həcmi 11,1 milyard kubmetr təşkil edib. Qaz ixracının həcmi isə hökumətin proqnozlaşdırdığı göstəricilərin 78,6%-i olmaqla 10,3 milyard kubmetrə çatıb. Ötən ilin eyni dövrü ilə müqayisədə qaz ixracı həcmində geriləmənin səbəbi Çin Xalq Respublikasında koronavirus pandemiyası səbəbindən qaza olan tələbatın azalmasıdır”, – deyə energetika naziri izah edib. 

Bu ilin yanvar-sentyabr aylarının nəticələrinə görə, neft emalı həcmi 11,5 milyon ton təşkil edib ki, bu da plan tapşırıqlarından 1,9% aşağı nəticədir. Buna səbəb isə neft məhsullarına olan tələbatın COVİD-19 səbəbindən azalması göstərilib. 

0

Your Cart