logo

Azərbaycan I yarımillikdə Türkiyəyə qaz ixracını 4,5% azaldıb

Azərbaycan 2018-ci ilin birinci yarısında “Şahdəniz” yatağının işlənməsi üzrə “Mərhələ-1” çərçivəsində Türkiyəyə 3 mlrd. 193,1 mln. kubmetr qaz ixrac edib ki, bu da 2017-ci ilin analoji dövrünün göstəricisindən 4,5% azdır.

Bu barədə Türkiyənin Enerji Bazarını Tənzimləmə Qurumunun məlumatında deyilir.

İyun ayında Azərbaycandan Türkiyəyə 578 mln. kubmetr qaz ixrac olunub. Türkiyəyə qaz tədarükünün ümumi həcminin 19,7%-i Azərbaycan qazının payına düşüb.

İyun ayı ərzində bu ölkəyə 2 mlrd. 922 mln. kubmetr qaz ixrac edilib (2017-ci ilin iyun ayı ilə müqayisədə azalma 19,04%).

2017-ci ildə Azərbaycan Türkiyəyə 6 mlrd. 542,39 mln. kubmetr qaz ixrac edib.

“Şahdəniz” yatağının işlənməsi haqqında müqavilə 1996-cı il iyunun 4-də Bakıda imzalanıb və elə həmin il oktyabrın 17-də Milli Məclisdə ratifikasiya edilib. “Şahdəniz” layihəsinin iştirakçıları BP (operator – 28,8%), “Petronas” (15,5%), ARDNŞ (16,7%), “LUKoil” (10%), NICO (10%) və TPAO (19%) şirkətləridir.

Comments: 0

Your email address will not be published. Required fields are marked with *

0

Your Cart