Azərbaycan

Bakı-Tbilisi-Ərzurum kəməri ilə 2 mlrd. m3-dən çox təbii qaz ötürülüb

Bu ilin ilk 3 ayında Azərbaycandakı magistral qaz kəmərləri ilə 6 milyard 662,1 milyon kubmetr təbii qaz nəql edilib və əvvəlki ilin müvafiq dövrünə nisbətən 7,1 faiz artım müşahidə olunub.

Dövlət Statistika Komitəsindən AZƏRTAC-a verilən məlumata görə, yanvar-mart aylarında qaz nəqlinin 30,7 faizi Bakı-Tbilisi-Ərzurum (Cənubi Qafqaz Boru Kəməri) boru kəməri vasitəsilə həyata keçirilib və bu kəmərlə 2 milyard 46,2 milyon kubmetr qaz göndərilib.