logo

SOCAR və “Total” gələcək əməkdaşlıq perspektivlərini müzakirə edib

Views: 69

SOCAR-ın prezidenti Rövnəq Abdullayev Fransanın “Total” şirkətlər qrupunun Cənubi Avropa və Xəzər regionu üzrə vitse-prezidenti Bernard Klementin rəhbərlik etdiyi nümayəndə heyətini qəbul edib.

Görüşdə Azərbaycanla gələcək əməkdaşlıq imkanları, o cümlədən “Abşeron” qaz-kondensat yatağının işlənməsi perspektivləri barədə fikir mübadiləsi aparılmışdır.

SOCAR-ın mətbuat xidmətinin yayadığı məlumatda bildirilir ki, “Total” 2011-ci ilin sentyabrında ilk kəşfiyyat quyusunda aparılan qazma işlərinin nəticələrinə əsasən “Abşeron” yatağında böyük həcmdə hidrokarbon ehtiyatlarının (326 mlrd. kubmetr qaz və 108 mln. ton kondensat) olduğunu təsdiqləyib.

“Abşeron” yatağının işlənməsi layihəsinin I mərhələsinə 450 metr dərinlikdə bir quyunun qazılması daxildir. Qazma işlərində üzən yarımdalma qazma qurğusundan istifadə olunacaq.

Bu mərhələ çərçivəsində platoda illik 1,3 mlrd. kubmetr, layihənin ikinci mərhələsində isə platoda illik 4 mlrd. kubmetr qaz hasilatı nəzərdə tutulur. Birinci mərhələ çərçivəsində hasil edilən qazın Azərbaycanın daxili bazarına yönəldiləcəyi nəzərdə tutulur.

Qeyd edək ki, “Abşeron” dəniz blokunun kəşfiyyatı, işlənməsi və hasilatın pay bölgüsünə dair saziş 2009-cu ildə imzalanıb. Hazırda layihənin iştirakçıları SOCAR (50%) və “Total” (50%) şirkətləridir.

Caspian Barrel oxucuların diqqətinə onu çatdırır ki, əvvəllər “Abşeron” yatağının karbohidrogen ehtiyatları 350 mlrd kub metr qaz və 45 mln ton kondensat həcmində dəyərləndirilirdi. 

Bundan əlavə SOCAR-ın yayadığı məlumatdan aydın olub ki, layihədə iştirakçı olan Fransanın ENGİE şirkəti 20% payını sataraq “Abşeron” yatağının işlənməsi layihəsini tərk edib və onun payları digər iştirakçılar arasında yarıbayarı bölünüb.

Comments: 0

Your email address will not be published. Required fields are marked with *

0

Your Cart