Azərbaycan, Materiallar

Azərbaycanın energetika naziri vəfat etdi

Natiq Əliyev Vətənə qayıtmadan dünyadan köçdü…

Türkiyənin İstanbul şəhərində müalicə olunan energetika naziri Natiq Əliyev dünyasını dəyişib.

Caspian Barrel APA-ya istinadən xəbər verir ki, İstanbulun “Florence Nightingale” klinikasında müalicə olunan nazirin vəziyyəti qəfildən pisləşib.

Həkimlərin müdaxiləsi yetərsiz olub.

Qeyd edək ki, ötən həftənin sonu ürəyində problem yaranan nazir Mərkəzi Neftçilər Xəstəxanasına yerləşdirilib. Daha sonra isə müalicəsini davam etdirmək üçün Türkiyəyə aparılıb. Nazir İstanbulun Şişli rayonunda yerləşən və kardioloji xidmətlər üzrə ixtisaslaşan “Florence Nightingale” xəstəxanasında müalicə olunurdu.

Natiq Əliyev 23 noyabr 1947-ci ildə Bakı şəhərində anadan olmuşdu.