“Azərbaycan Respublikasının yanacaq-enerji kompleksinin inkişafı (2005-2015-ci illər) üzrə Dövlət Proqramı”na uyğun olaraq, “Azəriqaz” İstehsalat Birliyi tərəfindən ölkənin hər yerində genişmiqyaslı tikinti-quraşdırma və təmir-bərpa işləri həyata keçirilir.
SOCAR-ın yaydığı məlumata görə, qaz təchizatı sisteminin yenidən qurulması, kənd və qəsəbələrin qazlaşdırılması istiqamətində görülən işlərin nəticəsidir ki, təbii qazla təchiz olunan yaşayış məntəqələrinin sayı durmadan artır. Cari ilin yanvar-mart ayları ərzində 2062,2 kilometr uzunluğunda yeni qaz kəmərləri quraşdırılmışdır. Həmn dövrdə Ağstafa, Füzuli, Ağcabədi, Ağsu, Cəlilabad, İsmayıllı, Yevlax, Tərtər, Bərdə, Şamaxı, Lənkəran, Astara, Şabran və Zaqatala rayonları üzrə 18 yaşayış məntəqəsi qazlaşdırılmışdır.