logo

SOCAR yanvar-avqust aylarında Supsa limanından neft ixracını 10,4% artırıb

Views: 20

baku-supsa

SOCAR (Azərbaycan Dövlət Neft Şirkəti) 2014-cü ilin yanvar-avqust aylarında Supsa limanından Bakı-Supsa neft kəməri ilə nəql edilən 2 mln. 29 min 456 ton Azərbaycan nefti ixrac edib. Bu barədə SOCAR məlumat yayıb.

Şirkətin məlumatına görə, bu, 2013-cü ilin analoji dövrünün göstəricisindən 10,4% çoxdur.

2014-cü ilin avqust ayında Supsa limanından 242,076 min ton Azərbaycan nefti yola salınıb.

2013-cü ildə SOCAR Supsa limanından 2 mln. 725,95 min ton neft nəql edib.

Bakı-Supsa neft kəməri 1999-cu il aprelin 17-də istismara verilib. Kəmərin uzunluğu 837 km, diametri 530 mm-dir. Ötürmə qabiliyyəti ildə 7,5 mln. ton neft olan boru kəməri “Azəri-Çıraq-Günəşli” yataqlarının işlənməsi haqqında müqavilə çərçivəsində inşa edilib. Bu kəmərlə “Çıraq” yatağından hasil edilən neft ixrac edilir.

Comments: 0

Your email address will not be published. Required fields are marked with *

0

Your Cart