logo

“SOCAR Energy Ukraine” Ukraynada yanacaqdoldurma məntəqələrinin sayını 39-a çatdırıb

Views: 57

AZS-ukr1

“SOCAR Energy Ukraine” MMC (Azərbaycan Dövlət Neft Şirkəti, SOCAR-ın törəmə müəssisəsi) Ukraynada yeni yanacaqdoldurma məntəqəsini (YDM) istifadəyə verib. Bu barədə SOCAR-ın məlumatında deyilir.

“Çerkassk vilayətində SOCAR brendi ilə premium-klass tipli yanacaqdoldurma məntəqəsi açılıb. Bu, Ukraynanın həmin vilayətində açılan sayca altıncı YDM-dir”, – deyə məlumatda qeyd edilir.

Burada alıcılara Polşa, Litva və Belarusun qabaqcıl emal zavodlarında istehsal olunmuş Avro-5 standartına cavab verən neft məhsulları – A-92, A-95, A-95 TM “Nano” benzinləri və TM “Nano” dizel yanacağı təklif olunur.

Yeni yanacaqdoldurma məntəqəsi nəzərə alınmaqla hazırda Ukraynada SOCAR brendi ilə 39 YDM fəaliyyət göstərir.

“SOCAR Energy Ukraine” 2008-ci ildə Ukraynada fəaliyyətə başlayıb. 2009-cu ilin əvvəlində Ukraynanın pərakəndə yanacaq bazarı ətraflı şəkildə öyrənildikdən sonra “SOCAR Energy Ukraine” bu ölkədə yanacaqdoldurma şəbəkələrinin yaradılması və inkişaf etdirilməsinə qərar verib.

SOCAR 2009-2013-cü illərdə Ukraynada biznesin inkişafına $160 mln.-dan artıq sərmayə yatırıb.

azs2

Comments: 0

Your email address will not be published. Required fields are marked with *

0

Your Cart