logo

Petkim Türkiyənin ən iri limanının səhmlərinin bir hissəsini sata bilər

Views: 27

petlim2Türkiyənin “Petlim Limancılık” şirkətinin səhmlərinin bir hissəsi ən iri və dərin konteyner limanının inşası çərçivəsində özəlləşdirilməyə çıxarıla bilər. Bunu “SOCAR Turkey Enerji”-nin rəhbəri, “Petkim” neft-kimya holdinqinin İdarə Heyətinin üzvü Kənan Yavuz deyib. Trend-in məlumatına görə, bu barədə çərşənbə axşamı Türkiyənin “Star” qəzeti yazıb.

Yavuzun sözlərinə görə, şirkət “Goldman Sachs”la “Petkim” neft-kimya holdinqinin 100 faizlik mülkiyyəti olan “Petlim Limancılık A.Ş.”-nin səhmlərinin bir hissəsinin satışı ilə bağlı məsləhətləşmələrə başlayıb. Onun sözlərinə görə, “Petlim Limancılık A.Ş.”-nin səhmlərinin 25 faizinin özəlləşdirilməyə çıxarılacağı gözlənilir: “Şirkətin səhmlərinin satışa çıxarılması Türkiyədə ən iri və dərin konteyner limanının inşasına maliyyə vəsaitinin çatışmaması ilə bağlıdır”.

Eyni zamanda, Yavuz qeyd edib ki, özəlləşdirmə şirkətə mövcud etimadı və ölkəyə investisya axınının davam etdiyini nümayiş etdirən mühüm hadisə olacaq.

Bir müddət əvvəl SOCAR-ın (Azərbaycan Respublikası Dövlət Neft Şirkəti) rəhbəri Rövnəq Abdullayev konteyner limanının tikintisinin 2014-cü ilin sonu – 2015-ci ilin əvvəllərində başa çatacağını bildirmişdi.

Onun sözlərinə görə, yeni liman SOCAR-ın Türkiyədə şəriki olduğu “Petkim” neft-kimya kompleksinə əlavə gəlirlər gətirəcək.

Qeyd edək ki, 2013-cü ilin martında Petkim ilə Niderlandın ARM Terminals şirkəti illik buraxıcılıq gücü 1,5 milyon konteyner olan limanın tikintisinə dair saziş imzalamışdılar. Layihənin dəyəri 400 milyon dollardır. ARM Terminals həmçinin bu limanı 28 il ərzində idarə edəcəkdi

 

Comments: 0

Your email address will not be published. Required fields are marked with *

0

Your Cart